• Asunción Klinika

Asuncion Klinikan ospitaleratutakoen laguntzaileek txertaketa-ziurtagiria aurkeztu beharko dute oste

Ez da PCR probarik edo antigeno negatiborik onartuko, eta laguntzaileek ziurtagiria aurkeztu beharko dute ospitaleko sarreran

COVID-19aren intzidentzia handia denez (100.000 biztanleko 1.500 kasu inguru), Tolosako zentroak bere segurtasun-protokoloak indartu behar izan ditu ospitaleratze-eremuan. Hala, ospitaleratutako pazienteei lagundu behar dieten pertsona guztiek txertaketa-ziurtagiri ofiziala aurkeztu beharko dute ospitaleratze-solairuetara sartu aurretik.


Neurri honi gehitu behar zaio, ingresatzera doazen pertsona guztiei PCR egitea. Laguntzaileek abenduaren 16tik aurrera aurkeztu beharko dute ziurtagiria. Txertaketa-ziurtagiria baino ez da baliozkoa izango. Ez da PCR probarik edo antigeno negatiborik onartuko, eta laguntzaileek ziurtagiria aurkeztu beharko dute ospitaleko sarreran.


Gainera, zentroak gogorarazi duenez, kanpoko kontsultetara joaten diren pertsonek beti bakarrik joan behar dute, ospitaleko bulegoetan eta zentro anbulatorioetan zirkulatzen duten pertsonen kopurua ahalik eta gehien mugatzeko. Mendeko pertsonak eta adingabeak ahalko dute laguntzailekin kontsultara joan. Gainera, derrigorrezkoa da maskara homologatua erabiltzea – Kirurgikoa edo FFP2a – Beti eta uneoro, osasun-instalazioen barruan dagoen bitartean.

0 comments