Asunción Klinika pixkanaka normaltasunera itzultzen hasi da, pandemiak etendako jarduera berreskuratuz
Programatutako asistentzia-jarduera itzultze honekin, Tolosaldeko biztanleen osasun-beharrei erantzun nahi da, ez egiteak pronostikoak okertu, pazienteei kalte egin eta patologiak konplikatu egin ditzakeelako
Normaltasunera itzultze hau pazienteentzat zein langileentzat segurtasun osoz egin dadin, zirkuituak eta protokoloak aldatu dira, eta zentrora sartzeko arauak eta gomendioak ezarri dira
Asistentzia normalizazioari ekiteko, Asunción Klinikako langile guztiak immunologikoki testatu dira Covid-19ren aurrean, eta egoera berri horren aurrean nola jokatu behar duten jakinarazi zaie. Osasun-langileak dagozkien lanpostuetan birkokatu dira. Era berean, pazientearen eta osasun-langileen segurtasuna bermatzen duten zirkuituak eta denborak aurrez definitu dira.
Kanpoko kontsultak egiteko sarbide berria
Kanpoko kontsultetarako sarrerako zirkuitu fisikoa aldatu eta behar bezala seinaleztatu da: sarrera eta irteera zuzenean kontsulta-solairuan kokatu dira, alboko sarrera zaharretik. Mugikortasun urriko pertsonak orain arte bezala sartuko dira klinikako ate nagusitik.
Kontsulta horietara aurrez aurre joan ahal izango da soilik lehen bisita eta berrikuspenetarako, betiere langile fakultatiboek zehaztutako irizpidearen arabera, ordu erdiko tartearekin. Gainerako kontsultak telefonoz edo bideokonferentziaz egingo dira. Frogatu da sistema horrek aukera ematen duela pazientearekiko eta haren inguruarekiko hurbiltasuna modu eraginkorrean eta oso erabakigarrian mantentzeko.
Zentrora joaten diren pazienteek arau batzuk bete beharko dituzte: puntualtasuna; lagunduta ez etortzea (18 urtetik beherakoak edo mendekoak izan ezik, kasu horietan laguntzaile batekin joan ahal izango baitira); klinikan sartzean esku-higienea egitea; maskararekin joatea; eta distantzia sozialari eustea une oro. Gainera, harrerako langileek tenperatura digitalki hartuko diete bai pazienteei, bai haien laguntzaileei.
Kanpoko kontsulten eta proba diagnostikoen eremu guztietan, garbiketa eta desinfekzio irizpideei eutsiko zaie, COVID-19aren aurka ezarritako protokoloen arabera. Bulego eta harrera-gune guztiek hidrogela banatzeko aparatuak dituzte.
Ospitaleratzea
Ospitaleratzea behar duten pazienteei PCR egingo zaie COVID-19 kodearen aurrean, ospitaleratu baino 48 ordu lehenago. Senide batekin bakarrik joan beharko dute, eta hori izango da zentroan dagoen bitartean bisitatu ahal izango duen pertsona bakarra.
COVID-19ren berragertze epidemiologikoa sortuko balitz, Asunción Klinikak klinikaren ordenamendua pandemia-egoerara itzuliko luke, asistentzia normalizazio honen aurrekora, osasun-krisian zehar jada garatutako protokoloekin.